Чэппиэргэ, ыам ыйын 15 күнүгэр, соцситимнэргэ уонна мессенджердарга Жатайдааҕы затонтан видео тарҕанна — суудуналар ууга быһылааннаннылар, биир бүтүннүү уу анныгар барда.
Видеоҕа көстөрүнэн, суудуна аа-дьуо ууга тимирэр. Эмсэҕэлээбиттэр тустарынан ханна да этиллибэт. Быһылаан биричиинэтэ суруллубат.
Бырабыыталыстыба оробуочай бөлөҕө Жатайга барда. Састаапка нэһилиэнньэ олоҕор куттал суоһаабатын хааччыйар миниистир Дмитрий Лепчиков, тырааныспар миниистирин э.т. Анатолий Потапов, экология миниистирин солбуйааччыта Анатолий Алексеев.
ЛОРП барыллаан информациятынан, буксир кураанах турбут, утилизацияҕа бэлэмнэнэн — бортка уматык суоҕа.
Дааннайдар чуолкайданаллар, бэрэбиэркэ түмүгэ кэлин тахсыа.
This post was published on 15.05.2025 18:15 18:15