Жатайдааҕы судоверфь тутуутун бастакы түһүмэҕэ бүтэр түмүгэр кэллэ. Бастакы суудуна тутуутун муус устар бүтэһигэр былаанныыллар. Ол туһунан Ил Дархан Айсен Николаев норуоттар ардыларынааҕы арктическай форумҥа эттэ.
«Муус устар бүтүүтэ, Өрөспүүбүлүкэ күнүгэр, бастакы хараабылы тутууну саҥа судоверфька саҕалыахпыт», — диэтэ регион баһылыга.
Жатайдааҕы судоверфь тутуута 2019 сыллаахха «ЛОРП» Жатайдааҕы суудуна өрөмүөннүүр собуот баазатыгар саҕаламмыта.
Тэрилтэни үлэҕэ киллэрии Лена бассейныгар уонна Арктика эргимтэтигэр таһаҕаһы тириэрдиигэ өрүс суолун саҥардыаҕа, ол иһигэр хотугу муора суолун.
Саҥа верфь сылын аайы 10 суудунаны үлэҕэ киллэрэргэ суоттанар. Онон 2036 сылга диэри собуокка 100 өрүс суудунатын оҥорор былаан турар.
This post was published on 27.03.2025 16:01 16:01