Өрөспүүбүлүкэҕэ «Земскэй быраас» уонна «Земскэй биэлсэр» бырагыраамалар исписэлиискэ бэриллэр биир кэмнээх төлөбүрдэрэ икки төгүл улаатыахтара.
2020 сылга төлөбүр өрөспүүбүлүкэ тыатын сиригэр, бөһүөлэктэргэ уонна Арктика оройуоннарыгар көһөн үлэлии барбыт быраастарга — икки мөлүйүөн солкуобайга тиийэ, биэлсэрдэргэ — биир мөлүйүөн солкуобайга тиийэ улаатара күүтүллэр.
50 тыһыынчаҕа диэри нэһилиэнньэлээх, кыра куораттарга үлэлии барар медиктэргэ төлөбүр уларыйбат, быраастарга биир мөлүйүөн солкуобай, биэлсэрдэргэ — 500 тыһ. солкуобай көрүллүө.
Бу сорукка 275 мөлүйүөн солкуобайы аныыр былааннаахтар, онтон 92 % судаарыстыбаттан үбүлэниэ.
This post was published on 18.12.2019 10:22 10:22