Магадан уобалаһыгар барбыт саха овцебыктара оҕоломмуттар. Бэс ыйын 5 күнүгэр, тулалыыр эйгэни харыстааһын аан дойдутааҕы күнүгэр, ураты айылҕалаах харыстанар сир-уот уонна айылҕа паркаларын биологическай ресурсаларын дирекцията Магадан коллегаларыттан үөрүүлээх сураҕы иһиттэ.
Магадан исписэлиистэрэ мониторинг кэмигэр икки нэдиэлэ анараа өттүгэр төрөөбүт овцебык оҕолорун булбуттар, оҕолор атахтарыгар эрллээхтик тураллар уонна ийэлэриттэн арахпакка аттыларыгар сылдьаллар.
2021 сыл икки 2018 сылга арыыга тиэйиллибит тыһы овцебыктар бастакыларын төрүөхтэммиттэрэ. Исписэлиистэр санааларынан, овцебыктар саҥа сиргэ үһүс эрэ сылларыттан оҕо үөскэтэн саҕалыыллар. Арктика кыыллара Завьялов арыытыгар ситиһиилээхтик олороллор, манна овцебыктар дьиикэй айылҕаҕа босхо тарҕаналларыгар тоҕоостоох усулуобуйа тэриллэр. Климатическай усулуобуйалара уонна айылҕа аһылыгынан хааччыллыылара үчүгэй.
