16 Атырдьах ыйа 16.08
  • 13°
  • $ 61,37
  • 62,51

Юрий Трутнев: Саха сирэ инники технологиялары эрэллээхтик сайыннарар

Саха сирэ үгэс буолбут салааларга тирэнэн  инники технологиялары эрэллээхтик сайыннарар. Бырамыысаланнас, социальнай эйгэ уонна уопсайынан хотугу регион инфраструктурата эмиэ сайдар. Бу туһунан өрөспүүбүлүкэ сүүс сыллаах үбүлүөйүн көрсө, Арассыыйа Федерациятын бырабыыталыстыбатын бэрэссэдээтэлин солбуйааччы — Уһун Илин федеральнай уокурукка РФ бэрэсэдьиэнин боломуочуйалаах бэрэстэбиитэлэ Юрий Трутнев бэлиэтээтэ, диэн СИА кэпсиир.

Полпред өрөспүүбүлүкэ баайын- дуолун, бырамыысланнай баайын, неби, алмааһы, көмүһү хостуур баайын- дуолун бэлиэтээтэ. Кини регион түргэн инфраструктурнай сайдыытыгар ураты болҕомтотун уурда.

«Саха сирэ Уһук Илин региоҥҥа 20% баалабай бородууктаны ылар. Саха сириттэн бриллианнардах киэргэллэри Аан дойду үрдүнэн кэтэллэр, хас биирдии үһүс бриллиант Саха сириттэн сылдьар.Үгэс буолбут салааларга тирэҕирэн регион инники технологиялары эрэллээхтик сайыннарар. Уһук Илин уокурук 85% өҥөтө Саха өрөспүүбүлүкэтин сириттэн экспортанар. Дьокуускай — тас көстүүтэ түргэн үлүгэрдик уларыйар. Куорат кыраһыабай уонна олорорго табыгастаах буоларыгар элбэх үлэ ыытыллар. Үөрэх уонна мэдэссиинэ сайдар. Уонунан сыллар усталарыгар региоҥҥа сылга 10- тан итэҕэһэ суох аныгы оскуолалар тутуллаллар, бэрт сотору саҥа медицинскэй киин, оҕо сынньанар уонна чэбдигирэр киинэ аһыллыахтара», — диэтэ Юрий Трутнев.

Кини РФ бэрэсэдьиэнин быһаарыытынан, Уһук Илин ипотека киирэн саха сирин 7 тыһыынча олохтоохторо олорор дьиэлэрин усулуобуйатын тупсарбыттарын бэлиэтээтэ. Оттон өрөспүүбүлүкэ бүгүҥҥү ситиһиилэрэ хотугулуу кытаанах-күүстээх санааларыгар олоҕурар диэтэ.

«Саха сирин 11 тыһыынчаттан тахса олохтооҕо Аҕа дойду улуу сэриитин фроннарыгар хорсун быһыыларын иһин уордьаннарынан уонна мэтээллэринэн наҕараадаламмыттара, Сэбиэскэй Сойуус Геройун аатын сүкпүттэрэ», — диэн Трутнев бэлиэтээтэ.

Кини сахаларга кытаанах доруобуйаны, дьолу- соргуну, бары үтүөнү баҕарда.

Следите за самым важным и интересным в Telegram-канале и WhatsApp-группе ЯСИА
0
0