16 От ыйа 16.07
  • 20°
  • $ 87,81
  • 95,78

Юрий Трутнев: Энергиэтикэ инфраструктурата ситэритэ суоҕа Уһук Илин сайдыытын харгыстыыр

15:42, 02 августа 2016
Текст:
Читайте нас на
Яндекс Новости
ЯДВ

Россия президенин Уһук Илиҥҥэ боломуочуйалаах бэрэстэбиитэлэ— вице-премьер Юрий Трутнев регион сайдарыгар энергиэтикэ инфраструктурата ситэритэ суоҕа улахан мэһэйи үөскэтэрин туһунан эттэ. Энергиэтикэ сорох тэрилтэлэрэ инфраструктураны сайыннарыы графигын бэйэлэрэ кэһэллэр.


«Дойду баһылыгын туһаайан этиитинэн Уһук Илини сайыннарыы – инники кирбиигэ тутуллар. Маныаха биһиги туох ыарахаттары көрсөбүт? Бастатан туран, сир-уот сайдарын хааччыйар инфраструктура толорута суоҕа улахан мэһэйи үөскэтэр. Нэһилиэнньэлээх пууннар бэйэ-бэйэлэриттэн тэйиччилэрэ, энергосистиэмэлэр ыраахтара электроэниэргийэ сыанатын муҥутуурдук үрдэтэр», — диэн Юрий Трутнев бүгүн атырдьах ыйын 2 күнүгэр Соҕуруу-Сахалиҥҥа аска-үөлгэ уонна энергиэтикэҕэ куттал суох буолуутун хааччыйар көһө сылдьар мунньахха эттэ.

Кини этэринэн, Уһук Илиҥҥэ электричество сыаната кВт чааска 3,34-9,2 солк. диэри халбаҥныыр. Оттон Россияҕа орто тарыып — 3,19. Ити туһунан «ПРАЙМ» тиэрдэр.

«Бу араастаһыы экономика субъектара сайдалларыгар уустуктары үөскэтэр», — диир кини.

Следите за самым важным и интересным в Telegram-канале и WhatsApp-группе ЯСИА