13 От ыйа 13.07
  • 15°
  • $ 87,74
  • 95,76

Юрий Куприянов: Дьиэ кэргэн – нус-хас олох, уҕараабат таптал, ытыктабыл, үүнүү-сайдыы бэлиэтэ

09:12, 08 июля 2016
Текст:
Читайте нас на
Яндекс Новости
ЯДВ

Ытыктабыллаах доҕоттор! Күндү эбээлэр, эһээлэр, аҕалар, ийэлэр, оҕолор, сиэннэр!


Саха Өрөспүүбүлүкэтин баһылыгын уонна бырабыыталыстыбатын аатыттан эһигини бука барыгытын бүтүн Россиятааҕы бэлиэ күнүнэн – Дьиэ кэргэн, таптал уонна эрэллээх буолуу Күнүнэн итиитик-истиҥник эҕэрдэлиибин!

Киһи бу Орто Дойдуга төрүөҕүттэн кини хайдах-туох киһи буола улаатара, ситэрэ-хоторо бүтүннүүтэ дьиэ кэргэнтэн быһаччы тутулуктаах. Дьиэ кэргэн – нус-хас олох, бэйэҕэ эрэллээх буолуу, уҕараабат таптал, ытыктабыл, үүнүү-сайдыы бэлиэтэ. Киһи олоххо ситиһии муҥутуур чыпчаалыгар тахсан турбутун да иһин, киниэхэ алаһа уоту күөдьүтэр, киппэ кириэппэс кэриэтэ буолар дьиэ кэргэн наада.

Олох дьулурҕатык суккуллар, быһыы-майгы уларыйар-тэлэрийэр. Оттон дьиэ кэргэн уопсастыба сүрүн тутааҕынан: киһи аймах култууратын, иҥэринэ сылдьар сыаннастарын, көлүөнэлэр историческай солбуһууларын быһыытынан буола турар. Дьиэ кэргэҥҥэ тирэҕирэн судаарыстыба бөҕөргүүр, сайдар, дьон-сэргэ уйгута улаатар. Дойду сайдыыта дьиэ кэргэн уопсастыбаҕа ылар суолтатынан уонна судаарыстыба киниэхэ хайдах сыһыаннаһарынан сыаналанар.

Дьиэ кэргэн туһугар кыһамньы, омугу харыстааһын Саха сирин салалтатын сүрүн соругунан буолар. Ити хайысха сиэр-майгы, духуобунай сайдыынан, култууранан, үөрэҕинэн ситэриллэр. Чөл олоҕу тарҕатыы, бэйэ норуотун үгэстэригэр, дьиэ кэргэн сыаннастарыгар ытыктабыллаах, тапталлаах сыһыан онуоха ураты улахан миэстэни ылар.

Дьиэ кэргэн труктаах олохтонорун, олох бэйэтэ үөскэппит сыаннастарыгар ытыктабыллаах сыһыан бигэтийэригэр Саха сирин салалтата ураты болҕомтотун уурар. Элбэх оҕолоох, эдэр дьиэ кэргэни өйүүр бырагыраамалар өрө тахсыылаахтык үлэлииллэр. Сыл айы социальнай суолталаах эбийиэктэр: оскуолалар, оҕо садтара, спорт былаһааккалара, тупсаҕай оҥоһуулаах сынньанар сирдэр үлэҕэ киирэ тураллар. Социальнай уонна олорор дьиэнэн хааччыйар бырагыраамалар, аҕа, ийэ аатын-суолун, анал туругун үрдэтии – болҕомто үөһүгэр тураллар.

Күндү доҕоттор!

Олоҕу өр сыл бииргэ олорбут дьоһун дьиэ кэргэни, саҥа ыал буолбуттары бүтүн Россия үөрүүлээх күнүнэн истиҥник эҕэрдэлиибин!

Дьиэ кэргэн, таптал уонна эрэллээх буолуу күнэ – оҕо дьонун-сэргэтин сыаналыы үөрэнэригэр, кинилэр тустарыгар кыһамньылаах буоларыгар сүрүн олугу уурар. Хас биирдиибит дьиэ кэргэнигэр ытыктабыл, бэйэ-бэйэни өйөһүү, өйдөһүү, эрэл уонна таптал тосхойдун! Дьиэ кэргэн тигинэччи оттубут алаһа уота хаһан да умуллубатын, күөдьүйэ, күүдэпчилэнэ турдун!

Саха сирин бырабыыталыстыбатын бэрэссэдээтэлин бастакы солбуйааччы э.т.-

 Саха Өрөспүүбүлүкэтин баһылыгын уонна бырабыыталыстыбатын

дьаһалтатын салайааччы Ю.С.Куприянов.

Следите за самым важным и интересным в Telegram-канале и WhatsApp-группе ЯСИА