21 Тохсунньу 21.01
  • -48°
  • $ 73,82
  • 83,32

Юрий Данилов: Бырабыыталыстыба бэрэссэдээтэлэ федеральнай киини кытта үлэлиир уопуттаах буолуохтаах

10:28, 03 октября 2016
Текст:

ХИФУ регионнааҕы экономикатын институтун иһинэн үлэлиир «Эксперт» информационнай-аналитическэй киин дириэктэрэ, экономика наукаларын кандидата Юрий Данилов премьер-миниистир дуоһунаһыгар үлэлии кэлэр киһи федеральнай структуралары кытта үлэҕэ уопуттаах буолуохтааҕын туһунан СИА-ҕа эттэ.


— Бырабыыталыстыба бэрэссэдээтэлигэр салайааччы дьыалабыйа хаачыстыбаларын таһынан федеральнай киини кытта сыһыан сүрүн быһаарар оруолу ылар.

Улуустарга үлэлээбит уопуттааҕар киини кытта үлэ уопута быдан суолталаах.

Мин саныахпар, бу дуоһунаска дьахтар үлэлиирэ ордук. Тоҕо диэтэххэ, эр киһи сороҕор билиитэ-көрүүтэ, үлэһит быһыытынан хаачыстыбата тиийбэт да буоллар, бары боппуруоска барытыгар баһылыыр-көһүлүүр оруолу ыла сатыыр. Евгения Михайлова бу дуоһунаһы кыайыа этэ. Билигин Саха сирин былааһыгар кини уонна Галина Данчикова таһымнарыгар тиийэр дьахтар суох.

Бу дуоһунаска үлэлии кэлэр киһи омуга биир сүрүн оруолу ылар. Итинтэн сиэттэрдэххэ, Геннадий Вадюхин кандидатурата сөптөөх буолуон сөп. Ону таһынан промышленность миниистирэ Андрей Панов дуоһунаска сөп түбэһэр.

Биллэн турар «Биир ньыгыл Арассыыйа» баартыйа чилиэнэ буолуохтаах.

Билиҥҥи бэрэссэдээтэл үлэтин сыаналыаххын сөп дуо?

Галина Данчикова үс президент тухара бырабыыталыстыба састаабыгар үлэлээбитэ уонна бэрэссэдээтэлгэ тиийэ үүммүтэ. Үп-харчы, экономика боппуруостарыгар идэтийбит киһи. Кини сэмэйин, толоругаһын бэлиэтиир оруннаах.

Бырабыыталыстыба инники үлэтигэр ханнык хайысхаларга ураты болҕомтону ууруохтааҕый?

— Дойдуга экономика кириисиһэ салҕанарынан, социальнай боппуруостар: социальнай төлөбүрдэр, пенсия, бюджет эйгэтин үлэһиттэрин хамнаһа инники күөҥҥэ тутуллуохтаахтар. Кыһыммыт тиийэн кэллэ. Онон ДьКХ, тыа хаһаайыстыбата, сүөһү, сылгы кыстыга, төбө ахсаана болҕомто үөһүттэн түһүө суохтаахтар. Онтон атына федеральнай киин ылыммыт сокуоннарынан, уураахтарынан уонна ыйаахтарынан.

0
0
21 января 21.01
  • -48°
  • $ 73,82
  • 83,32