15 От ыйа 15.07
  • 22°
  • $ 87,74
  • 95,76

ЮНЕСКО чулуу айымньыларын дьон-сэргэ биһирии көрдө

Читайте нас на
Яндекс Новости
ЯДВ

«Олоҥхо дойдутугар ЮНЕСКО уһулуччулаах айымньыларын көрсүһүүлэрэ» фестиваль Хаҥалас Орто Дойдутугар саҕаланна. Тэрээһин «Азия оҕолоро» норуоттар икки ардыларынааҕы VI-с спортивнай Оонньууларга сыһыары тутуллар. Киһи аймах материальнайа суох чулуу баайын Оонньууга кыттар 10 дойду бэрэстэбиитэллэрэ көрдөрдүлэр.


Бастакы вице-премьер – өрөспүүбүлүкэ баһылыгын дьаһалтатын салайааччы Юрий Куприянов сахалар кэлбит ыалдьыттары омук сиэринэн эйэҕэстик көрсөллөрүгэр эрэнэрин эттэ. «Бүгүн аан дойду омуктарын араас тыла дорҕооннура дуораһыйыаҕа. Доҕордоһуу тылын бука бары тылбааһа суох өйдүөхпүт», — диэтэ кини.

Тэрийээччи Туйара Тарабукина эппитинэн, быйыл үһүс төгүлүн ыытыллар тэрээһиҥҥэ Япония, Азербайджан, Грузия, Армения, Кыргызстан, Китай, Монголия, Испания уонна Россия дойдуларыттан ыалдьаттар кэлбиттэр.

«Аҥаардас театральнай дьүһүйүүгэ эрэ буолбакка, быйыл ырыаны толорууга ураты болҕомтонуу уурдубут», — диэтэ кини.

Манна кэлбит дьон Испания фламенкотын, айоннар төрүт үҥкүүлэрин, «Тара” инструмеҥҥа оонньооһуну, грузиннар элбэх куоластаах ырыаларын истиэхтэрэ.

«Тара – олус былыргы, кэрэ тыастаах инструмент. Кини лыҥкынас тыаһа симфонияны кытта ханыылаһар, киһи дууһатын кылын илигирэтэ хамсатар», — диэн СИА-ҕа Азербайджантан кэлибит толорооччу эттэ.

Бу күн Олоҥхо – болҕомто эргийэр киинигэр турда. Кытайдар уонна сахалар бу сүдү айымньыны толоруулара биһирэннэ.

Фестиваль от ыйын 10 күнүгэр диэри салҕанан барар. Тэрээһин чэрчитинэн ыалдьыттар маастар-кылаастары ыытыахтара, научнай лекциялары ааҕыахтара уонна «Олоҥхо дойдутугар ЮНЕСКО уһулуччулаах айымньыларын көрсүһүүтэ» диэн ааттаах симпозиуму ыытыахтара.

Следите за самым важным и интересным в Telegram-канале и WhatsApp-группе ЯСИА