Көҕүлээһин Булуҥ оройуонун Тиксиитигэр, Дьааҥы Баатаҕайыгар уонна Эһэ-Хайатыгар, Анаабыр Сааскылааҕар, Аллайыаха Чокурдааҕар, Усуйаана Нижнеянскайыгар, Аллараа Халыма Черскэйигэр ситэриллиэҕэ.
«Саха сирэ «Чистая Арктика» бырайыакка 2021 сылтан үлэлиир. Экологияны буортулуур мунньуллубут бөҕү хомуйааһын сытыытык турар. Арктика оройуоннарыгар 5 мөлүйүөн туонна тимир мунньулла сытар, сэбиэскэй кэмтэн хаалбыт. 2025 сылга ыраастаныахтаах нэһилиэнньэлээх пуун ахсаанын элбэтэбит», – диэтэ Ольга Балабкина.
Ольга Балабкина тимири хомуйууга тырааныспар схемата ыараханын, суол суоҕун, навигация уонна кыһыҥҥы суол болдьоҕо кылгаһын бэлиэтээн туран, Арктиканы ыраастааһын кыһалҕалаах сорук буоларын бэлиэтээтэ.
«Быйыл «Муус Устар – 2025» ыччат бэстибээлигэр аан бастаан «Чистая Арктика» трек үлэлээтэ, Ил Дархан Айсен Николаев уонна бырайыак салайааччыта Андрей Нагибин бэһис сезоҥҥа старт биэрбиттэрэ. Треккэ 140 ыччат кыттыбыта 13 Арктика оройуонуттан, кинилэри сэргэ АГАТУ, АГИКИ, ХИФУ устудьуоннара. Трек кэмигэр «Янолово» хампаанньа Усуйаана улууһун Сайылык бөһүөлэгиттэн кыһыҥҥы суолунан үс массыынанан 60 туонна тимири аҕалла, 2022 сыллаахха хомуллубут», – диэтэ вице-премьер.
«Ыраас Арктика» бырайыагынан түөрт сезоҥҥа өрөспүүбүлүкэҕэ волонтердар 1 600 туонна тимири хомуйдулар, 35 гектар сир ыраастанна.
