Тиксиигэ «Ыраас Арктика» федеральнай бырайыак төрдүс сезона аһылынна. Бэлиэ тэрээһиҥҥэ Ил Дархан Айсен Николаев, бырайыак салайааччыта Андрей Нагибин уонна Булуҥ оройуонун баһылыга Афанасий Андросов кытыннылар, Саха сирэ суруйар.
Тиксиигэ ыраастааһын үлэтэ 2021 с. «Ыраас Арктика» чэрчитинэн ыытыллар. Манна иккис сылын Москва, Московскай, Новгородскай уонна Ярославскай уобалас волонтердара кытталлар. Айсен Николаев этэринэн, быйыл ыраастааһын үлэтэ өссө түөрт нэһилиэнньэлээх пууну хабыахтаах. Ол курдук Депутатскайы, Сааскылааҕы, Баатаҕайы уонна Эһэ Хайатын. Бырайыак сүрүн соругунан Арктика бөҕүн хомуйуу буолар.
Бырайыак уопсастыбаны түмэр. Сүрүн көҕүлээччинэн «50 лет Победы» атомнай ледокол хапытаана Дмитрий Лобусов уонна РФ Үлэ Дьоруойа Геннадий Антохин буолбуттара. Үс сыл устата волонтердар Саха сиригэр 850 туонна тимири хомуйбуттар. Уопсайа 31 га сири ыраастаабыттар.
Ульяна Захарова, Саха сирэ
This post was published on 28.08.2024 09:06 09:06