Атырдьах ыйын 30 күнүгэр Тиксии бөһүөлэгэр «Ыраас Арктика» бырайыак иккис сезонун саҕалаата. Бастакы күн 25 туонна тимир мунньуллубут.
Хомуур балаҕан ыйын 5 күнүгэр диэри барыаҕа, тимир хос оҥорон таһаарыыга ыытыллыаҕа. Арктика уонна Хотугу норуоттар дьыалаларыгар министерство волонтердар үлэлииргэ бэлэмнэрин бэлиэтээтилэр.
“Новая” уулусса кытыытынан нефтебазаны уонна ыскылааттары ыраастааһыҥҥа байыаннай сулууспалаахтар, олохтоох дьон, министерство бэрэстэбиитэллэрэ уонна «АРКТИКВТОРМЕТ» хампаанньа кыттыыны ыллылар.
Сотору кэминэн бу уулуссаны Саха сирин Эргиэн-промышленнай палататын Президенэ, Россия бочуоттаах полярнига, республика IV, V, VI ыҥырыылаах мунньаҕын народнай депутата Владимир Членов аатынан ааттыахтара.
