Саха сирин алта оройуона «Ыраас Арктика» федеральнай бырайыагынан 2026 сылга буортулаах тобохтортон ыраастыаҕа. Аллайыаха, Анаабыр, Булуҥ, Дьааҥы, Аллараа Халыма уонна Усуйаана улуустарыгар үлэни ыытыахтара. Волонтердар тимири, ону тэҥэ бырамыысыланнастан хаалан мунньуллубут, олох-дьаһах бөҕүн-сыыһын хомуйуохтара.
«2021 сыллаахха үлэҕэ киирбит бырайыак Арктика олохтоохторо, устудьуоннар, тэрилтэлэр уонна байыаннайдар биир сомоҕолоһууларын уонна биир санааланыыларын бэлиэтэ буолбута. Сыл аайы хомуйар акцияларга сүүһүнэн энтузиаст кыттар, бөх-сыыс, тимир тобоҕун хомуйар, онон регион кэбирэх экосистиэмэтин көмүскүүллэр. Былырыын Арктика алта улууһугар 400- тэн тахса туонна тимири уонна да атын бөҕү хомуйбуттара», — диэн Саха сирин бырабыыталыстыбатын бэрэссэдээтэлин солбуйааччы Ольга Балабкина иһитиннэрдэ.
«Ыраас Арктика» бырайыагы ыытыы биэс сезонугар Саха сиригэр волонтердар икки тыһыынча туонна тимири хомуйдулар, 48 гектартан тахса сири ыраастаатылар. Экологическай акция Россия президенэ Владимир Путин көҕүлээһининэн олоххо киирэр «Экологическай чэбдик буолуу» национальнай бырайыакка киирэр.
