19 Тохсунньу 19.01
  • -48°
  • $ 73,82
  • 83,32

"Ыра санаа туолуута": Ыалдьар оҕолорго анаммыт аһымал акция ыытыллар

13:56, 08 декабря 2016
Текст:

Доруобуйаларыгар хаарчахтаах оҕолорго анаммыт «Ыра санаа туолуута» акция ыытыллар. Оҕо туругун тупсарар уонна онно көмөлөөх табаары ыларга, биллэр-көстөр дьону кытта көрсүһэригэр хас биирдии киһи кыттыһыан сөп. Бырайыагы «Лучики света» уопсастыбаннай тэрилтэ иилээн-саҕалаан ыытар.


«Лучики света» кулууп ДЦП уонна ньиэрбэ ыарылаах оҕолор төрөппүттэрин түмпүт.

«Мин барытын бэйэм оҥорорго санаммытым. Хас да куруһуогу ыытар дьону булбутум, араас куонкурустары, бырааһынньактары, оонньуулары тэрийэбин. Ону таһынан аһымалга анаан үп-харчы хомуйабын. Биһиги киһи кыһалҕатын кытта соҕотох хаалбатын туһугар күннэтэ сыралаһабыт», — диэн кулууп көҕүлээччитэ Вероника Чупрова этэр.

blag2

Кулууп былырыын саҥа дьылга 45 оҕоҕо бэлэх хомуйбут, оттон быйыл ити бэлэх ахсаана 125 диэри тиийбит.

Кулууп тэрээһиннэри таһынан ыарыһах оҕолоох төрөппүттэргэ иһитиннэриилэринэн көмөлөһөр. Онно үөрэх, эбии үөрэхтээһин, быраас көмөтө, эмтээһин саҥа ньымата, юридическэй уонна психологическай көмө киирэ сылдьаллар.

Маны таһынан кулууп иһинэн ыарыһах оҕолорго анаммыт быстах кэмҥэ көрүү бырайыага үлэлиир. Ити чэрчитинэн, төрөппүттэр ыарыһах оҕолорун манна хаалларан баран үлэлииллэригэр, бэйэлэрин кыахтарын толору аһалларыгар көмөлөһөр.

Кулууп оҕолоругар бэлэх туһунан социальнай тиһиктэртэн эбэтэр 89246606361 телефонунан билсиэххэ сөп.

0
0
19 января 19.01
  • -48°
  • $ 73,82
  • 83,32