Социальнай ситимнэргэ Бааһынай ырыынагар ынах арыыта биир киилэтэ 1000 солк буолбутун туһунан иһитиннэрии тарҕанна. Ыйытыы тыа хаһаайыстыбатын министиэристибэтигэр эмиэ бэрилиннэ.
Миниистир солбуйааччыта Артем Александров быһаарбытынан, атыыланар табаар сыанатын хонтуруоллааһын уонна быһаарыы министиэристибэ боломуочуйата буолбатах.
— Сыананы оҥорон таһаарааччылар, кооперативтар уонна индивидуальнай предпринимателлэр быһаллар, кинилэр бэйэлэрин бородууксуйаларын атыылыыллар. Тыа хаһаайыстыбатын бородууксуйатын сыаната ырыынак сыһыаннаһыыларынан быһаарыллар.
Олохтоох бородууксуйа сыаната — бу уматык, электричество уота, сүөһү сиир аһа, техника сапчааһа, МРОТ үрдээһиниттэн тутулуктаах, — диэн быһаарда салайааччы.
Источник: Тыа хаһаайыстыбатын министиэристибэтин пресс-сулууспата
