20 От ыйа 20.07
  • 17°
  • $ 88,02
  • 96,04

Ыккын мээнэ бырахтаххына ыстарааптаныаххын сөп

15:35, 23 октября 2019
Текст:
Читайте нас на
Яндекс Новости
ЯДВ

Ыттарын көрүүтэ-истиитэ суох хаалларбыт, бырахпыт хаһаайыттар ыстарааптаныахтарын сөп. Итинник ис хоһоонноох ыстатыйа РФ Административнай быраабы кэһии туһунан кодекска киириэн сөптөөҕүн туһунан Госдуума экологияҕа уонна тулалыыр эйгэ харыстабылыгар комитетын баһылыга Владимир Бурматов эппитин туһунан «Парламентскай хаһыат» иһитиннэрэр.


Парламентарий бэлиэтииринэн, ыттары мэнээк быраҕыы, хаалларыы кыылга-сүөлгэ эппиэтинэстээх сыһыан туһунан сокуонунан бобуулаах. Ол эрэн итиниэхэ административнай кодекска буруйдуур дьаһал чопчу суох.

Владимир Бурматов этэринэн: «Билиҥҥи кэмҥэ правительство административнай кодекс ыстатыйаларын саҥардарга үлэ ыытар. Ыты саҥа хаһаайыҥҥа эбэтэр хорҕойор сиргэ (приют) биэрбэккэ мэнээк хаалларыы административнай быраабы кэһиигэ тэҥнэһэрин туһугар биһиги өттүбүтүттэн этиилэр киириэхтэрэ. Итинник быраабы кэһии ыстараабын кээмэйэ оҥоһуллубут содул хайдаҕыттан тахсыаҕа. Ол барыта атын ыстатыйалары кытта ситимнээх буолуохтаах».

«Парламентскай хаһыакка» эрдэ этиллибитин курдук, кыыллары кытта хаҕыс сыһыан иһин холуобунай эппиэтинэскэ тардыллар киһи сааһын намтатан биэриини конституционнай сокуоҥҥа уонна государственнай тутулга Федерация сэбиэтин комитета толору өйүүр. Кыылга хаҕыстык сыһыаннаспыт киһи сааһа 14-тэн буоллаҕына Холуобунай кодекска буруйу кэһии курдук ааҕылларыгар көннөрүү быһыытынан киирэригэр үлэ барар. Госдумаҕа итинник сокуон бырайыагын Санкт-Петербург сокуон таһаарар мунньаҕа киллэрдэ.

Следите за самым важным и интересным в Telegram-канале и WhatsApp-группе ЯСИА