ЫЙЫТ-ХОРУЙДУУБУТ: Элбэх оҕолоох ыалларга ханнык чэпчэтиилэр көрүллэллэрий?

Афанасьевтар.

Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык эппиэттиир:

— Үс уонна онтон элбэх саастарын ситэ илик оҕолоохтор (ону тэҥэ күнүскү үөрэххэ үөрэнэр 23 диэри саастаах оҕолоохтор) баай-дуол нолуогар чэпчэтиилэри ылыахтарын сөп. Чэпчэтиилэр федеральнай уонна эрэгийиэннээҕи таһымҥа көрүллэллэр.

Федеральнай чэпчэтиилэр Арассыыйа Федерациятын Нолуокка кодексатыгар бигэргэммиттэрэ (РФ НК 391 ыст. 5 п. 10 пп. уонна 6,1 п., 403 ыст. 6.1 п.). Онно нолуок баазатын аччатыы сыһыаннаах:

— сир нолуогар — 600 кв. м биир учаастак кадастровай сыанатыгар;

— баай-дуол нолуогар — кыбартыыра 5 кв. м кадастровай сыанатыгар уонна хас биирдии сааһын ситэ илик оҕоҕо аахтахха олорор дьиэ 7 кв. м.

Тустаах вычет төрөппүттэртэн биирдэстэригэр кинилэргэ нолуоктанар эбийиэктэр баар буоллахтарына, (хас биирдии көрүҥ биир эбийиэгэр сыһыаннаан) көрүллэр.

Саха сиригэр 2020 сылтан элбэх оҕолоох дьиэ кэргэҥҥэ төрөппүттэртэн (ииппит дьонтон) биирдэстэригэр тырааныспар нолуогун төлөбүрүттэн босхолооһун көрүллэр. Чэпчэтии талан ылбыт биир көрүҥ тырааныспардарыгар туһаныллар: легковой массыына, матасыыкыл, мотороллер, оптуобус эбэтэр таһаҕас тиэйэр массыына (“Элбэх оҕолоох дьиэ кэргэн статуһун туһунан” СӨ Сокуонугар сөп түбэһиннэрэн).

Байыаннай дьайыыга кыттыбыт биир эбэтэр хас даҕаны оҕотун сүтэрдэҕинэ (өлбүт түгэнигэр), нолуок төлөбүрүттэн босхолооһун оннунан хаалар. Элбэх оҕолоох дьиэ кэргэҥҥэ кыра оҕото сааһын ситиэр диэри олохтоммут кэмҥэ. Арассыыйа Федерациятын Нолуок кодексын 362 ыст. 2 чааһын кытта сөп түбэһиннэрэн, үрдэтэр (повышающий) коэффициены учуоттаан, тырааныспар нолуогун сууматын ааҕыы оҥоһуллар, ыйыллыбыт чэпчэтии легковой массыынаҕа тарҕаммат.

Нолуокка эбии вычеттары уонна чэпчэтиилэри дьиэ-уот (хамсаабат баай-дуол) эбийиэктэрэ баар муниципальнай тэриллиилэр бэрэстэбиитэллээх уорганнара олохтуохтарын сөп. Ол туһунан Арассыыйа ФНС саайтыгар “Справочная информация о ставках и льготах по имущественным налогам” сервискэ сиһилии билсиэххитин сөп.

Источник: Саха сирэ саайт