Дистанционнай түөкүннээһин күн-түүн үрдүү турар. Саха сирин олохтоохторо күнүн аайы харчыларын уордараллар. Ыам ыйа саҕаланыаҕыттан өрөспүүбүлүкэҕэ 77 буруйу кэһии бэлиэтэммит.
Итинтэн 57-тэ дистанционнай түөкүннээһин, 20-тэ баан каартатыттан халааһын. Уопсай хоромньу 7 мөл солкуобайга тэҥнэспит. Бу туһунан Ис дьыала министиэристибэтэ иһитиннэрэр.
Саха сиригэр дистанционнай халааһын үс көрүҥэ баар: сымыйа баан үлэһиттэрэ, сымыйа атыы-эргиэн биллэриилэрэ уонна тутатына харчыланар сымыйа биржа былаһааккалара.
Буруйу кэһээччилэр 98%-нара атын эрэгийиэн бэрэстэбиитэллэрэ диэн, Саха сиринээҕи ис дьыала министиэристибэтин холуобунай ирдэбил үлэһиттэрэ этэллэр.
This post was published on 26.05.2021 11:01 11:01