Суолга айаны быстах хааччахтааһын Дьокуускайга Дежнев уулуссатыгар кулун тутар 23 күнүттэн муус устар 11 күнүгэр диэри киллэриэхтэрэ. Суолу, капитальнай өрөмүөн ыытылларынан, сабыахтара. Бу туһунан Дьокуускай куорат суол инфраструктуратын уонна тырааныспарын департаменыгар иһитиннэрдилэр.
«Кулун тутар 23 күнүттэн муус устар 11 күнүгэр диэри Дежнев уулуссатыгар Кулаковскай уулуссаттан Крупская уулуссаҕа диэри учаастакка тырааныспар сырыыта бобуллар», — диэн суруллар иһитиннэриигэ.
Хаартыска: ЯСИА саайта
Суоппардартан хааччаҕы учуоттаан маршруту эрдэттэн былаанныырга көрдөһөллөр.
Хаартыска: ЯСИА саайта
Сабыллар бириэмэтигэр 14 №-дээх оптуобус маршрута уларыйыаҕа. Кини схемата эргиир суолунан барыаҕа.
Санатан эттэххэ, Дьокуускайга Сэбиэскэй Аармыйа 50 сыла уулуссатыгар алтынньы 31 күнүгэр диэри сырыы хааччахтанар. Суолу бүрүйүү Кальвица уулуссатыттан Бабушкин уулуссатыгар диэри учаастагы таарыйар.
