Кулун тутар 28-30 күннэригэр Дьокуускай куоракка «Баары уларытар драйвердар» диэн Ыччат IV экономическай форума ыытыллыаҕа. Сахабыт сирэ аан дойду каартатыгар саамай улахан сирдээх, тымныы тыйыс айылҕалаах ураты дойду, Арассыыйа биир бөдөҥ сорҕото. Өрөспүүбүлүкэҕэ араас идэлээх 964 252 киһи олорор.
СӨ Эдэр экономистарын түмсүүлэрин уонна СӨ Экономикатын министиэристибэтин тэрийиилэринэн, Арассыыйа экономическай кулууптарын түмсүүтүн өйөбүлүнэн ыытыллар ыччат экономическай форума Сахабыт сирин экономическай, социальнай боппуруостарын быһаарар эдэр көлүөнэ сайдарыгар олук ууруоҕа.
Форумҥа эдэр үлэһиттэр, урбаанньыттар, уопсастыбаннай түмсүү бэрэстэбиитэллэрэ, устудьуоннар кыттан, оҥорон таһаарыыны, дьарыктаах буолууну сайыннарарга бэйэлэрин стратегическай былааннарын оҥорорго үөрэниэхтэрин сөп. Манна кинилэргэ сонун бырайыактары олоххо киллэрэргэ, сири-уоту сайыннарарга кэскиллээх былаан оҥорорго судаарыстыбаннай уорган үлэһиттэрэ сүбэ-ама биэриэхтэрэ.
This post was published on 27.03.2018 13:00 13:00