25 От ыйа 25.07
  • 24°
  • $ 86,55
  • 94,38

Ыччат Чээбий олоҥхотун иһиттэ

07:55, 11 мая 2018
Текст:
Читайте нас на
Яндекс Новости
ЯДВ

«Ыччат олоҥхоһут» өрөспүүбүлүкэтээҕи уопсастыбаннай түмсүү ыам ыйын 10 күнүгэр Тимофей Васильевич Захаров-Чээбий төрөөбүтэ 150 сылын көрсө, 19-с төгүлүн «Ыччат олоҥхотун олоҕурбут ньыманан истии» тэрээһинин ыытта.

—Бу тэрээһиммитигэр Дьокуускайдааҕы “Амма” түмсүү көхтөөхтүк кытынна. Бүгүн биһиги Чээбий Түмэппий «Ала Булкун» олоҥхотун кини биир дойдуулаахтара Наталья Стручкова уонна Клара Соловьева толорууларыгар иһиттибит (сал. А.Д. Софронова).

Кыргыттар тыллара-өстөрө, куоластара мааны. Киһи иһиттэр-истэ олоруох курдук олоҥхолууллар. Ити кэннэ Чээбий олоҕун, айар үлэтин туһунан энтузиаст-чинчийээччи Екатерина Уварова сиһилии кэпсээтэ, онтон «Ала Булкун» олоҥхо тылын-өһүн РЛИ үөрэнээччитэ Кристина Егорова билиһиннэрдэ, — диэтэ “Ыччат олоҥхоһут” түмсүү салайааччыта Юрий Борисов.

Эдэрдэр толорууларыгар Чээбий “Ала Булкун” олоҥхотун истибит дьоннор, бэрт үчүгэй, дириҥ ис хоһоонноох тэрээһин буолла, диэн олус астыннылар.

Татьяна МАРКОВА.

Следите за самым важным и интересным в Telegram-канале и WhatsApp-группе ЯСИА