Бэс ыйын 23 күнүгэр ойуур баһаардарыттан Саха сирин эрэгийиэн суолталаах ойуурдарыгар ыксаллаах быһыы-майгы эрэһиимэ (ЫБМ) биллэриллибитэ. Ити ыйаах көмөтүнэн өрөспүүбүлүкэҕэ федеральнай көмө кэлбитэ, атын эрэгийиэннэртэн десантник-баһаарынайдар, ЫБМ, Оборона министиэристибэлэрин бөртөлүөттэрэ, сөмөлүөттэрэ, байыннай тиэхиникэлэрэ ыытыллыбыттара.
Атырдьах ыйын 8 күнүгэр Ил Дархан ойуур уота нэһилиэктэргэ, экэниэмикэ эбийиэктэригэр суоһаабытынан эрэгийиэн суолталаах ЫБМ эрэһиимин биллэрдэ. Ити докумуон өрөспүүбүлүкэ бүддьүөтүттэн Бэс Күөлүгэр саҥа дьиэлэри тутууга, хас биирдии эмсэҕэлээччигэ тус көмө оҥорорго итиэннэ федеральнай үп тардыытыгар көмөлөөх.
ЫБМ туоратарга салаайааччынан бастакы вице-премьер Дмитрий Садовников ананна.
Саха сирин бырабыыталыстыбатыгар нэһилиэги, экэниэмикэ, олох-дьаһах эбийиэктэрин чөлүгэр түһэрии боппуруостарын, дьоҥҥо көмөнү уталыппакка быһаарарыгар сорудахтанна.
This post was published on 10.08.2021 10:01 10:01