Сбербаан ЯТЭК-тэн 3 миллиард солкуобайы ирдээн ылыахтааҕын туһунан истии Саха сирин Арбитражнай суутугар алтынньы 1 күнүгэр ыытыллыаҕа.
Сбербаан Дьокуускайдааҕы оттук-энергетическай хампаанньаҕа икки ирдэбили түһэрдэ. 1,4 млрд солкуобайы ирдиир туһунан биир дьыаланы Москва Арбитражнай суутугар биэрбиттэрэ. Дьыала көрүллүбүтүн туһунан иһиллибэт.
Үс миллиард солкуобайдаах иккис ирдэбил Саха сирин Арбитражнай суутугар киирбитэ. Дьыалаҕа хос эппиэттээччи быһыытынан “Инвестор” ХЭТ кыттыаҕа. Баан ЯТЭК-тэн сөргүтүллэр кредитнэй линиялары арыйар туһунан дуогабарыгар олоҕуран иэһин ирдиир. Сайабылыанньаны көрүүгэ ыллылар, онон көрүллүөҕэ.
Бу иннинэ СИА ирдээччи бу дьыаланы тохтоторун туһунан хадатаайыстыба түһэрдэ диэн иһитиннэрбитэ. Баан ирдэбилиттэн барытыттан эбэтэр сорох чааһыттан аккаастанар туһунан эппит буолуон сөп. Көрүүнү тохтотор түгэҥҥэ суут туһааннаах быһаарыныыны ылыныаҕа.
This post was published on 06.09.2018 15:39 15:39