26 От ыйа 26.07
  • 16°
  • $ 85,41
  • 93,17

Ыарыы оройо ааһа илик. Владимир Путин коронавирус туһунан

Читайте нас на
Яндекс Новости
ЯДВ

Россия Президенэ Владимир Путин регионнар баһылыктарын кытта мунньаҕар коронавируһу кытта охсуһуу бастакы нэдиэлэлэрин түмүгүн таһаарда. Салгыы COVID-19 утары саҥа ылыллар миэрэлэри иһитиннэрдэ, СИА суруйар.


Судаарыстыба баһылыга, бастатан туран, дойдуга эпидемия тарҕаныыта сүрүннээн тохтотуллубутун эттэ.

«Бу уопсай үлэбит түмүгэ, мөлүйүөнүнэн дьон эппиэтинэһэ. Быраастар уонна исписэлиистэр сүбэлэрин истибиттэр, тус уонна чугас дьоннорун доруобуйаларын туһугар кыһаллааччылар, былаас уоргаттарын этиилэрин тутуһааччылар«, — диэтэ Владимир Путин.

Күн аайы эбиллэр ыалдьыбыт дьон ахсаана биир кэм буолла. Ити эрээри балаһыанньа өссө да уустук.

«Исписэлиистэр, учуонайдар ыарыы оройо өссө да ааһа илигин бигэргэтэллэр. Эпидемияны кытта охсуһуу өссө биир уустук түһүмэҕин ааһыахтаахпыт. Ыарыыга хаһан баҕарар, ханна баҕарар хаптарыахха сөп, вирус куттала өссө да баар, бу хас биирдиибитин таарыйыан сөп. Барыбытыттан хомуллуу, бэрээдэктэнии, биир өйгө-санааҕа түмсүүлээх буолуу ирдэнэр. Эпидемия намырыырыгар, сүтэригэр кыһаллыахтаахпыт бары. Оччоҕуна хааччахтааһыннар уһуллуохтара, күннээҕи олоххо төннүөхпүт, бары да ону аҕынныбыт, күүтэбит. Билигин Россия хас биирдии олохтооҕо ирдэбиллэри күүскэ тутуһар буоллаҕына — харантыынтан түргэнник тахсыахпыт«, — диэтэ Владимир Путин.

Президент эппитинэн, субъектар баһылыктара эбии боломуочуйаларын өссө да илдьэ сылдьаллар.

«Бу күннэргэ бары үлэҕит миэстэтигэр буолаҕыт. Бэйэҕит территорияҕытыгар баар балаһыанньаны көрөн олорон, тута сылдьан, онно сөп түбэһиннэрэн, быһаарыылары ылаҕыт. Эмоцияҕа уонна кими эрэ үтүктэн дьаһаммаккыт. Ылыммыт быһаарыыгыт биир региоҥҥа сөптөөх буоллаҕына, иккиһигэр — ол кутталы үөскэтиэн сөп. Ону өйдөөҥ», — диэтэ Путин регион баһылыктарыгар туһаайан.

Следите за самым важным и интересным в Telegram-канале и WhatsApp-группе ЯСИА