Арассыыйа бырабыыталыстыбата эмп үлэһиттэрин идэлээх күннэрин олохтоото. Бэлиэ күн сыллата ыам ыйын 19 күнүгэр бэлиэтэнэр буолуо. Бу туһунан ТАСС суруйар.
Эмп үлэһитин күнэ дойдуга бастакы эмп атыылыыр сир аһыллыбыт күнүгэр сөп түбэһиннэрэн олохтоммут. 1581 сыллаахха ыам ыйын 19 күнүгэр Уордаах Уйбаан IV уурааҕынан бастакы аптека аһыллыбыт. Аптекаҕа бэлэм эми атыылыыры таһынан эмп оҥорон атыылыыры саҕалаабыттар. Эмп үлэһитин күнүн олохтуур туһунан быһаарыыны идэлээх дьон 2014 сыл муус устар 28 күнүгэр эмп үлэһиттэрин бүтүн Арассыыйатааҕы сийиэстэригэр ылыммыттар.
This post was published on 18.05.2021 17:05 17:05