Ыам ыйын 11 күнүгэр М. Е. Николаев аатынан өрөспүүбүлүкэтээҕи балыыһа 1- кы №- дээх перинатальнай киинигэр Слепцовтар дьиэ кэргэттэригэр 2023 сыллаахха Саха сиригэр аан бастакы үс игирэ оҕо төрөөтө. Төрөппүттэр ыам ыйын 31 күнүгэр оҕолорун төрөөбүттэрин туһунан туоһу суругу ыллылар.
Саҥа төрөөбүт оҕолору Александр, Степан уонна Савелий диэн ааттаатылар. Оҕолор бастакы докумуоннарын кытта төрөппүттэргэ Саха сирин бырабыыталыстыбатын иһинэн үлэлиир ЗАГС управлениетын салайааччытын Тамара Кривошапкина эҕэрдэтин туттардылар.
This post was published on 02.06.2023 16:05 16:05