Муус устар 23-24 күннэригэр ыытыллыбыт Ил Түмэн уочараттаах алтыс пленарнай мунньаҕар норуот дьокутааттара олохтоохтору кытта тус көрсүһүүлэрин кыраапыга бигэргэммитэ.
Ыам ыйыгар көрсүһүүлэри ыытыахтара:
Ыам ыйын 8 күнэ — Елена Голомарева, Хоту дойду төрүт олохтоох аҕыйах ахсааннаах норуоттар боппуруостарыгар уонна Аартыка дьыалаларыгар сис кэмитиэт бэрэссэдээтэлэ.
Ыам ыйын 23 күнэ – Афанасий Владимиров, Судаарыстыба тутулугар уонна сокуону оҥорууга сис кэмитиэт бэрэссэдээтэлэ, Ил Түмэн бэрэссэдээлин солбуйааччы; Владимир Прокопьев, Олохтоох салайыныыга сис кэмитиэт бэрэссэдээтэлэ; Антонина Григорьева, Наукаҕа уонна үөрэххэ сис кэмитиэт бэрэссэдээтэлэ.
Ыам ыйын 30 күнэ — Александр Атласов, Тыа сиригэр уонна аграрнай бэлиитикэҕэ сис кэмитиэт бэрэссэдээтэлэ; Алена Атласова, Социальнай бэлиитикэҕэ, үлэҕэ уонна дьарыктаах буолууга сис кэмитиэт бэрэссэдээтэлэ; Светлана Давыдова, Доруобуйа харыстабылыгар сис кэмитиэт бэрэссэдээтэлэ; Андрей Находкин, Сир сыһыаннаһыыларыгар, айылҕа баайыгар уонна экологияҕа сис кэмитиэт бэрэссэдээтэлэ.
Дьокутааттары кытта тус көрсүһүүгэ эрдэттэн Судаарыстыбаннай Мунньах (Ил Түмэн) Уопсастыбаннай приемнайыгар сурутуоххутун сөп, аадырыһа: Дьокуускай, Ярославскай уул. 24/1 дьиэ, 117 каб. уонна https://www.iltumen.ru/reception. интернет-приемнайы нөҥүө.
Көрсүһүүгэ суруйтарарга сайабылыанньаҕа тус бэйэ дааннайдарын уонна ханнык боппуруоһунан киирэргин сүнньүнэн билиһиннэрэҕин. Чопчу информацияны 8 (4112) 43-53-74 ылыаххытын сөп. Көрсүһүүгэ паспордаах кэлэр ирдэнэр.
This post was published on 07.05.2024 14:28 14:28