Ыам ыйын бастакы икки нэдиэлэлэрэ маай уонна Улуу Кыайыы бырааһынньыктарынан сибээстээн кылгас, өрөбүллэрэ уһун буолуохтара. Өрөбүллэр муус устар 30 күнүттэн ыам ыйын 3- гэр диэри уһатыллыахтара уонна ыам ыйын 7-10 күннэригэр сынньаныахпыт диэн Роструд пресс-сулууспата иһитиннэрбитин ТАСС суруйар.
«Ыам ыйын саҥатыгар Арассыыйа олохтоохторун икки кылгас үлэ нэдиэлэтэ уонна уһун өрөбүллэр ыам ыйын 1 күнүн, онтон ыам ыйын 9 күнүн бэлиэтээһининэн сибээстээн, күүтэллэр. Бу үлэлээбэт бырааһынньык күннэрэ буолаллар», — диэн биэдэмистибэҕэ иһитиннэрдилэр.
РФ бырабыыталыстыбата субуотаттан өрөбүл күн, 2022 сыл тохсунньу 1 күнүн өрөбүлэ, ыам ыйын 3 күнүгэр оптуорунньукка көспүт, оттон тохсунньу 2 күнүнээҕи өрөбүл күн — оптуорунньукка, ыам ыйын 10 күнүгэр көһөрүлүннэ. «Биэс хонуктаах үлэ нэдиэлэтигэр өрөбүл күн муус устар 30 күнүттэн ыам ыйын 3- гэр диэри, ону тэҥэ ыам ыйын 7-10 күннэригэр диэри буолуохтара», — диэн быһаарда.
Биэдэмэстибэҕэ үлэһит хамнаһын кыччатар төрүөт суоҕун санаттылар. «Оттон акылаат олохтоммотох үлэһиттэригэр бырааһынньыктааҕы күннэринэн эбии хамнас төлөнөр, ол кээмэйэ коллективнай дуогабарга, сөбүлэһиилэргэ эбэтэр локальнай нормативнай акталарга олохтонор», — диэн Роструд иһитиннэрдэ.
Маннык уһун өрөбүллэр бэс ыйын 11-13 күннэригэр Арассыыйа күнүн бэлиэтээһининэн сибээстээн буолуохтара.
This post was published on 28.04.2022 11:01 11:01