Үөрэх оҥкулун чэрчитинэн курсааннар Дьокуускай үөрэх тэрилтэлэригэр « Равнение на Победу» кылаас чааһын ыыттылар. Тэрээһиннэр Арассыыйа байыаннай Албан аатын күнүгэр – Ленинград фашистар блокадаларыттан толору босхолонуутун күнүгэр ананнылар.
Оҕолору кытта утары көрсөн олорон кэпсэтиигэ кадр бырагырааматын кыттыылаахтара историческай өйү-санааны харыстааһын суолтатын санааларын эттилэр. Үөрэнээччилэр Ленинград блокадатын историятын трагическай уонна героическай страницаларын, советскай норуот бигэ туругун, тыын күүһүн туһунан билистилэр. Оскуола оҕолоро ааспыт уонна билиҥҥи дойдуну көмүскээччилэр хорсун быһыыларыгар ис сүрэхтэриттэн интэриэстээхтэрин, ытыктыылларын биллэрдилэр.
Анал дьайыы кыттыылаахтарын – биһиги кэммит дьоруойдарын кытта маннык көрсүһүүлэр оҕолорго кыра саастарыттан патриотизм, бэйэлэрин дойдуларынан киэн туттуу, кини көмүскэлигэр турар дьоҥҥо махталлаах буолуу өйү-санааны үөскэтэргэ көмөлөһөллөр.
Саха сирин баһылыга Айсен Николаев көҕүлээбит «Саха сирэ – Геройдар сирдэрэ» диэн бырагыраама СВО кыттыылаахтарыгар салайар идэни баһылыыр кыаҕы биэрэр. Кини байыаннай сулууспалаахтарга кэлим өйөбүлү оҥорор, кинилэргэ эйэлээх олоххо адаптацияланалларыгар уонна бэйэлэрин булуналларыгар тирэх буолар. Бу көҕүлээһин өрөспүүбүлүкэ сиригэр-уотугар Россия президенэ Владимир Путин көҕүлээбит «Время героев» федеральнайдааҕы бырагырааманан туолар.
This post was published on 28.01.2026 17:05 17:05