19 От ыйа 19.07
  • 18°
  • $ 87,88
  • 96,1

“Якутия” АК Bombardier сөмөлүөтүн алдьатыы туһунан дьыала Читаҕа көрүллүөҕэ

17:39, 03 декабря 2018
Текст:
Читайте нас на
Яндекс Новости
ЯДВ

СӨ Арбитражнай суута эрдэ авиахампаанньа туһатыгар “Чита аэропорда” АУо-тан 2,7 мөл. солкуобайы салгын суудунатын сирдээҕи хааччыйыы кэмигэр аэропуор үлэһиттэрин буруйдарынан сөмөлүөтү алдьатыыларын иһин ирдээн ылбыта. Аэропуор апелляциялыыр үҥсүүтэ ахсынньы 19 күнүгэр көрүллүөҕэ.

2016 сыл атырдьах ыйыгар Хабаровскайга 582 рейсинэн Чита-Хабаровскай-Дьокуускай туһаайыытынан көтөн иһэр сөмөлүөккэ 17 см кэриҥэ усталаах фюзеляж сабыытын алдьаппыттарын булбуттара.

Салгын суудуната Чита аэропуордун перронугар алдьаныыны ылбыта биллибитэ. Экспердэр сыаналааһыннарынан, маныаха биричиинэнэн сөмөлүөтү хааччыйыыга анал тиэхиньикэни сыыһа туруоруу буолбута – авиатиэхиньик бэйэтин дуоһунаһыгар көтүмэхтик сыһыаннаспыт, оттон бортаһылык сыаҕын массыынатын суоппара сөмөлүөккэ сыыһа өттүттэн

чугаһаабыт.

“Якутия” авиахампаанньа салгын пуордуттан 2758971 солк.33 харчы кээмэйдээх таһаарбыт хоромньуларын төлүүллэрин ирдээбитэ. Ирдэбил сайабылыанньанан төлөттөрбүттэрэ, ол эрээри “Чита аэропуорда” утары үҥсүү түһэрбитэ. Дьыаланы 2018 сыл ахсынньы 19 күнүгэр көрүөхтэрэ.

Марина Василевская.

Следите за самым важным и интересным в Telegram-канале и WhatsApp-группе ЯСИА