НВК САХА — Улуу Кыайыы 75 сылыгар анаммыт акция «Якутия 24» уонна «НВК Саха» ханааллар киэһээҥи сонуннар таһаарыыларыгар саҕаланыаҕа.
«Бу рубрикаҕа биһиги архыып хроникатыттан быһа тардыылары уонна сэрии дьоруойдарын туһунан сюжеттары көрдөрүөхпүт. Эбэлэргитин, эһэлэргитин эбэтэр аймахтаргытын бу көстүбүт хартыыналарга билбит буоллаххытына, биһиги редакциябытыгар өбүгэҕит ханна сулууспалаабытын уонна сэриилэспитин туһунан кэпсээҥ диэн бука барыгытын ыҥырабыт. Инньэ гынан, биһиги кинилэр үтүө ааттарын үйэтитиэхпит», — диэн «Якутия 24» ханаал дириэктэрин солбуйааччы Марианна Тарасова кэпсээтэ.
Акцияҕа ким баҕарар кыттыан сөп.
Оҥоһуллубут матарыйааллары тэлэбиидьэнньэ ханаала эһиэхэ бэлэхтиэҕэ.
«Биһиги өйдүүбүт» акция балаҕан ыйын 11 күнүгэр киэһээҥи сонуннарга саҕаланыаҕа.
Редакция төлөпүөнүн нүөмэрэ: +7 4112 42-08-88
This post was published on 12.09.2019 17:22 17:22