Ил Дархан Айсен Николаев НВК «Саха» ханаалыгар быһа эфир кэмигэр ыһыаҕы ыытыыны муниципалитеттар бэйэлэрэ быһааралларын эттэ. Миэстэтигэр эпидемиологическай балаһыанньа хайдаҕыттан сирдэтиниэхтэрэ.
«Улуустарга балаһыанньа холку, ыалдьааччы ахсаана аҕыйах буоллаҕына, ыһыаҕы ыытыахха сөп. Ити эрээри хааччахтыыр миэрэлэр барыта тутуһуллуохтаах: термометрия, дезинфекция, социальнай тэйиччи туттуу, мааска эрэһиимэ, культурнай бырагыраамаҕа кыттааччылар, хааччыйар персонал, атыыһыттар вакцинацияланыылара.
Балаһыанньа Дьокуускайга уонна Мэҥэ Хаҥаласка уустук. Ити эрээри маассабай вакцинацияланааһын саҕаланнаҕына түмүктэр баар буолуохтара, оччоҕуна ыһыах ыытыллыаҕа. Өссө биирдэ хатылыыбын — ыһыах ыытыллыытын муниципалитеттар бэйэлэрэ быһаараллар, бэс ыйын ортотун эргин биллиэҕэ», — диэтэ өрөспүүбүлүкэ баһылыга.
This post was published on 01.06.2021 13:02 13:02