Олунньу 21 күнүттэн Ньурбаҕа волейболга дьахталлар хамаандаларыгар өрөспүүбүлүкэҕэ бастыыр иһин күрэхтэһии саҕаланыаҕа. Оонньуулар олунньу 25 күнүгэр диэри салҕанан барыахтара, ол туһунан ФКуоМС управление пресс-сулууспата иһитиннэрдэ.
Күрэхтэһиигэ муниципальнай оройуоттар уонна «Жатай» куорат уокуругун волейболга дьахталлар хамаандалара кытталлар. Манна бастакы лигаҕа чемпионат кэмигэр сүүмэрдэммит хамаандалар кыттыбаттар. Финалистар эһиил СӨ чемпионатыгар (I лига) кыттар бырааптаахтар.
Волейболга киирсиилэр Ньурба куоратыгар (Г.А. Быдыгыев аатынан «Олимп» СК), Антоновка (А.И. Пахомов аатынан спорт саалата), Күндээдэ (оскуола спорт саалата) уонна Чаппандаҕа (С.П. Алексеев-Боhуут аатынан оскуола спорт саалата) буолаллар.
This post was published on 22.02.2024 12:01 12:01