Социальнай ситимнэринэн 9 саастаах Кира диэн кыыс сүппүтүн туһунан иһитиннэрии тарҕаммыта. Иннокентий Колесов бу иһитиннэриини ааҕан баран, үлэтиттэн оптуобуһунан төннөн иһэн, бу кыысчааны аттыгар олорорун көрбүт. Кыыс оптуобуска утуйан хаалбыт эбит.
“Оптуобус иһигэр сүппүт кыыска маарынныыр кыыһы көрбүтүм. Кондукторга чугаһаан биллэриини көрдөрбүтүм. Онтон кыыһы уһугуннарбыппыт. Биллэриигэ ыйыллыбыт нүөмэринэн дьонугар биллэрбитим”, — диир Иннокентий Колесов.
“Биһиги болҕмтолоох уонна үтүө сүрэхтээх Иннокентийга махтанабыт. Киниэхэ үтүө үтүөнэн эргийдин”, — диэтэ Кира эдьиийэ Алия Кычкина.
Хампаанньа пресс-сулууспата иһитиннэрбитинэн, үлэтигэр болҕомтолоох үлэһиккэ грамота туттарбыттар.
СИА.
This post was published on 18.04.2018 17:05 17:05