17 От ыйа 17.07
  • 18°
  • $ 88,28
  • 96,26

Водоканал эниэргийэни кэмчилиир технологиялары туһанан тарыып үрдээһинин бытаардар

13:39, 02 ноября 2016
Читайте нас на
Яндекс Новости
ЯДВ

Эниэргийэни харыстыыр технологияны туһаныы түмүгэр «Водоканал» АО элбэх үбү-харчыны кэмчилиир. Ону таһынан тарыыбы үрдэппэт социальнай суолталаах.


«Саҥа технологияны олоххо киллэриигэ электричество эниэргийэтин биллэ кыччатыахпыт. Ити түмүгэр мөлүйүөнүнэн суума кэмчилэнэр», — диэн СИА-ҕа генеральнай диэриэктэр сүбэһитэ Николай Лепчиков эттэ.

Эниэргийэни төһө туттаргыттан быыстала суох үлэ быһаччы тутулуктанар. Насос установката электродвигателлэринэн үлэлииллэр. Өссө тоҕус сыл аннараа өттүгэр тэрилтэ салайааччылара электричествоны кыччатан туран хайдах тохтоло суох үлэни хааччыйар туһунан толкуйдаабыттара.

«Частотнай преобразователи туруоруу түмүгэр 1 мөл.солк. үп-харчы кэмчилэнэр. Ону таһынан тэрил саахал кээмэйин биллэ кыччатта», — диир Лепчиков.

Кыһыҥҥы кэмҥэ ууну сылытыы урукку ньымата тохтообут. Ити түмүгэр уоту туһаныы эмиэ намтаабыт.

«Маннык миэрэлэр тарыып үрдүүрүн бытаардаллар», —диэтэ Лепчиков.

Бүгүҥҥү туругунан ааҕар прибордары туруоруу үлэтэ күүскэ барар. Николай Лепчиков этэринэн, бэриллэр уу кээмэйин кыччаабыт, ону таһынан Водоканал ороскуота намтаабыт.

Следите за самым важным и интересным в Telegram-канале и WhatsApp-группе ЯСИА