28 Кулун тутар 28.03
  • -12°
  • $ 92,59
  • 100,27

Владимир Текеянов: Одуну нэһилиэгэр дьиэлэргэ ититиини биэрии кыһалҕата билигин да баар

Фото: Мария Васильева/ЯСИА
Читайте нас на
Яндекс Новости
ЯДВ

Кулун тутар 27-31 күннэригэр Дьокуускайга Саха Сирин муниципальнай тэрээһиннэрин бэрэстэбиитэллээх уорганнарын депутаттарын II сийиэһэ буола турар. Регион бары улуустарыттан уонна нэһилиэктэриттэн 500- тэн тахса парламентарий кытта сылдьар диэн, СИА иһитиннэрэр.

Делегаттар олохтоох салайыныы боппуруостарыгар, семинардарга, сессияларга, сири- уоту туһаныы, тыа хаһаайыстыбатын, Арктика зонатын, ОДьКХ уонна энергетика, үөрэхтээһин, култуура, дьиэ кэргэн уонна оҕо аймах, патриотическай иитии боппуруостарыгар төгүрүк остуолларга кытталлар.

«Кэлиҥҥи кэмҥэ маннык улахан тэрээһин буолбатаҕа ыраатта, онон көрсүбэтэҕим ырааппыт коллегаларбын кытары сирэй көрсөн уопут атастаһыыта буолла. Быйылгыттан тыа хаһаайыстыбатын исписэлиистэригэр уонна бэтэринээрдэригэр хамнастарын 35% үрдэтэр туһунан дьаһалы Тыа хаһаайыстыбатын министиэристибэтэ иһитиннэрдэ, мин санаабар бу олус сэргэх сонун.

Онтон биһиги нэһилиэк сүрүн туруорсар боппуруоспут — нэһилиэнньэни ититии ситиминэн хааччыйыы буолар. Билигин Горнай Маҕараһыгар ититии ситиминэн 40% эрэ дьиэ хааччылан турар. Дьиҥэ, куораттан чугас турар нэһилиэктэргэ киирсэбит, ол да буоллар, бу чааһыгар көрдөрүүбүт биир саамай мөлтөх. Билигин тустаах үлэ ОДьКХ тэрилтэлэрин кытары кыралаан бара турар.  Онон нэһилиэгим тыын боппуруоһун бэҕэһээ парламентскай чааска ОДьКХ  миниистириттэн Вячеслав Павлович Емельяновтан эмиэ ыйыттым, сотору кэминэн барыта этэҥҥэ быһаарыллар ини диэн эрэнэбин», — диэн Горнай улууһун Одуну нэһилиэгин баһылыга Владимир Текеянов кэпсээтэ.

Санатан эттэххэ, бэҕэһээ, кулун тутар 28 күнүгэр, СӨ экология, сири туһаныы, тыа хаһаайыстыбатын, Арктика боппуруостарын, ОДьКХ, энергетика салаатын үлэтин-хамнаһын дьүүллэһэ төгүрүк остуолга бары улуустартан 140 делегат мустубута.

Следите за самым важным и интересным в Telegram-канале и WhatsApp-группе ЯСИА