Соторутааҕыта РФ Бэрэсидьиэнэ Владимир Путин Санкт-Петербурдааҕы экэнэмиичэскэй форумҥа РФ Бырабыыталыстыбата урбаанньыттарга административнай миэрэни ылыыны өссө кыччатыа диэн эппитин биисинэс эйгэтигэр үлэлээччилэр үөрэ истибиттэрэ.
«Биһиги административнай ноҕоруусканы өссө кыччатыахпыт. Дьон доруобуйатыгар сыһыана суох урбаан өҥөтүгэр бэрэбиэркэни ыытартан аккастаныахпытын наада. Сотору манна аналлаах миэрэлэри РФ Бырабыыталыстыбата ылыныаҕа», — диэн Владимир Путин быһаарбыта уонна салалтаҕа итини олоххо киллэрэллэригэр сорудахтаабыта.
Санатар буоллахха, былырыыҥҥыттан урбааны былааннаах бэрэбиэркэлээһин алта төгүл түспүт. Бэрэбиэркэҕэ анал хааччах киирбитигэр, төттөрүтүн урбаанньыттар араас хабааннаах кэһиини таһаарыылара түспүт. Бу — Арассыыйа урбаанньыттара барытыгар эппиэтинэстээхтик сыһыаннаһар буолбуттарын туоһулуур.
Источник: edersaas.ru
This post was published on 20.06.2022 16:01 16:01