Владивостокка ыытыллыбыт Илиҥҥи экономическай форумҥа Тиихэй Акыйаан тимир суолун үлэҕэ киллэрии сиэригэр-туомугар Владимир Путин уонна Саха сирин баһылыга Айсен Николаев икки ардыларыгар кэпсэтии буолла.
Арассыыйа президенэ, чуолаан, Саха сиригэр нэһилиэнньэ саамай үрдүк улаатыыта бэлиэтэнэрин эттэ.
“Мин көрдүм, Саха сиригэр нэһилиэнньэ саамай үрдүк улаатыыта баар», – диэтэ Владимир Путин, демография көрдөрүүтүн туһунан Саха сирин баһылыга иһитиннэрэригэр эттэ.
Айсен Сергеевич демографическай быһыы-майгы тупсуутун биричиинэлэрин ааттаата: «Саха сиригэр дьон олорорун сөбүлүүр, олоҕу таптыыллар, онон биһиги сылтан сыл элбээн иһэбит». Онуоха Путин: “Хоруй толору», — диэтэ.
2020 сылтан Саха сиригэр элбэх оҕолоох ыаллар ахсааннара 10% эбиллэн, 34,6 тыһыынчаттан тахса буолла. Былырыын кырачааннар 44% ыалга үһүс уонна онтон кэлэр оҕонон төрөөбүттэрэ. 2024 сыл түмүгүнэн өрөспүүбүлүкэҕэ нэһилиэнньэ үүнүүтүн динамикатынан Российскай Федерацияҕа 12-с, оттон төрөөһүнүнэн Уһук Илин регионнарын ортолоругар бастакы уонна дойдуга 10-с миэстэни ылбыта.
Источник: sakha.gov.ru
This post was published on 05.09.2025 12:29 12:29