Ил Дархан Айсен Николаев официальнай телеграм-ханаалыгар Саха сирин байыаһын эҕэрдэлээтэ.
«Аҕа дойдуну көмүскээччилэр күннэригэр Андрей Григорьев Российскай Федерация Геройун Кыһыл көмүс сулуһун тутта. Бу наҕараада кини хорсун, тулуурдаах уонна геройдуу охсуһуутун билинии буолар. Кини илиинэн хапсыһыыта тулхадыйбат күүстээх санаатын уонна дьиҥнээх патриотизмы көрдөрөр. Кини наҕараада иһин буолбатах, Ийэ дойду иһин, доҕотторун иһин, эйэлээх олох иһин охсуспута. Билигин кини Кыһыл көмүс Сулуһа түөһүгэр күлүмүрдүөҕэ, аата Россия историятыгар суруллуоҕа», – суруйда Айсен Николаев.
Россия Геройа Андрей Григорьев – анал байыаннай дьайыыга дойду үрдүк наҕараадатын туппут онус Саха сирин олохтооҕо буолар.
Андрей Григорьев ВСУ боевигын илиинэн хапсыһыыга кыайбыта, 2024 сыл күһүнүгэр.
Санаттахха, эрдэ РФ Геройа ааты ылбыттара Родимир Максимов, Игорь Юргин, Николай Соболев, Александр Колесов, Филипп Евсеев, Алексей Неустроев, Дмитрий Егоров, Дмитрий Куценко уонна Николай Евдокимов.
