Россия президенэ Владимир Путин бэс ыйын 18 күнүгэр Дьокуускайга оробуочай сырыыта тэриллэр, суруйар Кремль.
Кремль телеграм-ханаала иһитиннэрбитинэн, президент саха сиригэр сырыытын кэмигэр өрөспүүбүлүкэҕэ креативнай уонна ИТ-салаалар сайдыыларын уонна ситиһиилэрин кытта билсиэҕэ. Судаарыстыба баһылыга Уһук Илин сайдыытын боппуруостарыгар болҕомтотун ууруоҕа, чуолаан «Земский доктор», «Земский учитель», «Муравьев-Амурский 2030» бырагыраамалар туолууларыгар.
Бырагыраама кыттыылаахтарын кытта кэпсэтиэҕэ, маны сэргэ Уһук Илини талбыт култуура деятеллэрин кытта туспа көрсөр былааннаах.
Владимир Путин оробуочай былааныгар Ил Дархан Айсен Николаевы кытта көрсүһүүтэ эмиэ суруллар.
This post was published on 17.06.2024 18:40 18:40