Арассыыйа Федерациятын гражданскай боронаҕа, ыксаллаах быһыыга-майгыга уонна саахалы туоратыыга миниистирэ Владимир Пучков бүгүн Дьокуускайга кэлиэҕэ. Бу туһунан СИА-ҕа ЫБММ Саха сиринээҕи управлениета иһитиннэрдэ.
“Владимир Пучков бүгүн Саха сиригэр күнүс 15 чааска кэлиэҕэ”, — диэтилэр СИА-ҕа.
Дьокуускайга кэлээт кини Амма оройуонугар өрөспүүбүлүкэ баһылыга Егор Борисовтыын, ЫБММ бэрэстэбиитэллэрин уонна атын дуоһунастаах дьону кытта көтүөҕэ.
Өрөспүүбүлүкэ киин куоратыгар төннөн кэлээт, Пучков 202 мкр. баһаарынай чааска сылдьыаҕа. Маны тэҥэ бырабыыталыстыба дьиэтигэр суһал мунньаҕы ыытыаҕа. Бу тэрээһиннэр кэннилэриттэн төттөрү көтүөҕэ.
Артемий Грошев, Максим Григорьев хаартыската. ТАСС.
This post was published on 14.05.2018 15:15 15:15