19 От ыйа 19.07
  • 21°
  • $ 87,88
  • 96,1

Владимир Максимов: "Азия оҕолоро" Оонньуу кыайыылаахтарын Риоҕа ситиһиилэрэ түбэспиччэ буолбатах

10:34, 16 августа 2016
Текст:
Читайте нас на
Яндекс Новости
ЯДВ

«Азия оҕолоро» норуоттар икки ардыларынааҕы оонньуулар кыайыылаахтара Антон Чупков уонна Туяна Дошидоржиева Россия иһин Рио Олимпиадатыгар мэтээллэри ыллылар. Саха сиригэр ыытыллыбыт оонньуулар сэттэ кыттыылаахтара билигин Риоҕа бааллар. Кинилэр Олимпиадаҕа кыайыылара түбэһиэхчэ буолбатаҕын Оонньуу фондатын дириэктэрэ Владимир Максимов этэр.


Туяна Дашидоржиева 2012 сыллаахха «Азия оҕолоро» норуоттар икки ардыларынааҕы Оонньууга Сибиир федеральнай уокуругун сүүмэрдэммит хамаандатын састаабыгар киирэн кыттыбыта уонна кыһыл көмүс мэтээли ылбыта. Риоҕа оҕунан ытыыга Россия хамаандатыгар үрүҥ көмүс мэтээли аҕалла.

Антон Чупков эмиэ «Азия оҕолоро» норуоттар икки ардыларынааҕы оонньууга икки кыһыл көмүс мэтээли Москва хамаандатыгар аҕалбыта. Бразилия Олимпиадатыгар 200 м. харбааһыҥҥа боруонса мэтээли ылла.

Харбааһыҥҥа Дарья Устиноваҕа мэтээлгэ диэри кыра тиийбэтэ: кини төрдүс миэстэ буолбута.

Казахстан дзюдоиһа Максим Раков 1/8 финалга, Монголия боксера Эрденбат Цэндбаатар финал чиэппэригэр диэри тиийбиттэрэ. Рио Олимпиадатыгар Абылайхан Жусупов (Казахстан), Найдангийн Тувшинбаяр (Монголия) уонна Денис Петрашов (Киргизия) кыттыбыттара. Атырдьах ыйын 19 күнүгэр тустуук Виктор Лебедев Рио көбүөрүгэр тахсар.

«Кыайыы саҕаланыыта!” — диэн девиһинэн «Азия оҕолоро» Оонньуу ыытыллар. Онон биһиги спортсменнарбыт муҥутуур ситиһиилэрэ ити оонньуулартан саҕыллыбытыгар  кыратык да саарбахтыыр сатаммат. Антон Чупков Дьокуускайга ыытыллыбыт күрэхтэһии кини спортсмен быһыытынан сайдарыгар улаханнык дьайбытын бэлиэтээбитэ. Оттон Дарья Устинова «Азия оҕолоро» киниэхэ аан маҥнайгы норуоттар икки ардыларынааҕы таһымнаах күрэхтэһии буолбутун ыйбыта», — диэн СИА-ҕа Владимир Максимов кэпсээтэ.

Ааспыт Олимпиадаҕа Саха сиригэр ыытыллыбыт «Азия оҕолоро» Оонньуу кыттыылаахтара ситиһиилэммиттэрэ. Кинилэр ортолоругар Леонид Спиридонов уонна Георгий Балакшин бааллар.

«Быйылгы Оонньууларга олус талааннаах оҕолор кытыннылар. Гимнастикаҕа, боксаҕа, дзюдоҕа чаҕылхайдык кыттыбыт спортсменнар норуоттар икки ардыларынааҕы аренаҕа бэйэлэрин өссө да көрдөрүөхтэрэ, кинилэр ааттара дорҕооннура дуораһыйыа турдаҕа. Быйылгы Оонньуу кыайыылаахтара аныгыскы Токиоҕа ыытыллар Олимпиадаҕа диэри хайаатар да тиийиэхтэрэ, аатырыахтара-сураҕырыахтара», — диир Максимов.

Следите за самым важным и интересным в Telegram-канале и WhatsApp-группе ЯСИА