Пауэрлифтинг легендата, Россия спордун үтүөлээх маастара Владимир Балынец өссө төгүл дойдуга саамай күүстээх буоларын дакаастаата. Кини 20-с төгүлүн, бэйэтин спортка карьератыгар, Россия чемпиона буолла. Ол туһунан спорт хамаандаларын бэлэмниир киин иһитиннэрдэ, суруйар ЯСИА.
Илиилэригэр-атахтарыгар хааччахтаах спортсменнар ортолоругар күрэхтэһии Доброградка буолла. Саха сирин хамаандатын лидера Владимир Балынец классическай анньыыга 160 кг уонна холбоон 317 кг көрдөрдө, 49 кг диэри ыйааһыҥҥа кииристэ.
Барыта 165 спортсмен Россия 40 регионуттан кытынна: 110 эр киһи уонна 55 дьахтар.
This post was published on 17.04.2025 13:09 13:09