24 От ыйа 24.07
  • 21°
  • $ 87,3
  • 95,46

"Вилюйский экспресс" оптоволокно тиһигин тутуу Бэрдьигэстээххэ саҕаланна

16:23, 28 октября 2016
Читайте нас на
Яндекс Новости
ЯДВ

Саха сирин Бүлүү бөлөҕөр киирсэр улуустара оптоволокно көмөтүнэн түргэн интернеккэ уонна атын телекоммуникационнай өҥөлөрүнэн туһанар кыахтаныахтара. Маны — «Вилюйский экспресс» диэн сүрэхтэммит оптоволокно тиһигин тутуу Горнай улууһун Бэрдьигэстээҕиттэн үөрүүлээхтик саҕаланна.


«Бу үлэ Бэрдьигэстээххэ саҕаламмыта түбэһиэхчэ буолбатах. Икки ыйынан манна түргэн интернет кэлиэ, оттон эһиил омук оонньууларын саҕана оптоволокноҕа Үөһээ Бүлүү холбонуоҕа. 2017 сыл бүтүүтэ Бүлүү бөлөххө киирсэр улуустары барыларын  киин улуустарга холбуохпут», —диэтэ Егор Борисов.

Кини эппитинэн, оптоволокно Уус Алдан Бороҕонугар киирбит. Манна Илин Эҥэр улуустары холбооһун түмүктэммит. Билигин хоту улуустарга Өймөкөөнтөн саҕалаан Магадан уобалаһыгар диэри тиийиэҕэ.

«2017 сылга Бэрдьигэстээх олохтоохторо IP-телевидениенэн, түргэн интернетинэн уонна мобильнай бигэ сибээһинэн хааччыллыахтара», — диэтэ сибээс уонна информационнай технология миниистирэ Александр Борисов.

Оптоволокно улууска киирбит бэлиэтин Горнай улууһун баһылыгар Никита Андреевка Ил Дархан уонна Бэрдьигэстээх, Дьокуускай үөрэнээччилэрин бэйэлэрэ айан суруйбут суруктара угуллубут «кэм капсулатын» туттарда.

«Капсула Бэрдьигэстээх музейыгар хараллан сытыаҕа. Маны 25 сыл буолан баран аһыахтара. Онно иһитиннэриилээх флешка баар. Үйэ чиэппэрин устата технологияҕа биллэн турар, элбэх уларыйыы киириэ. Бу барыта хайдах саҕаламмытын оччотооҕу көлүөнэ олус интэриэһиргиэ», —диэтэ Александр Борисов.

Следите за самым важным и интересным в Telegram-канале и WhatsApp-группе ЯСИА