Виктор Лебедев Олимпийскай оонньууларга кыттара дуу, кыттыбата дуу бүгүн 19.00 чааска биллиэҕэ. UWW Россия сүүмэрдэммит хамаандатын састаабыгар киирбиттэр испииһэктэрин билиһиннэриэҕэ уонна быйылгы Олимпиадаҕа барааччылары чопчу ааттаталыаҕа.
«Виктор Лебедев туһунан бүтэһиктээх быһаарыы суох. Бүгүн барыта быһаарыллыаҕа», — диэн СИА-ҕа спорт миниистирин бастакы солбуйааччы Георгий Балакшин эттэ.
Кини Олимпиадаҕа кыттара бобулуннаҕына, 57 кг. диэри ыйааһыҥҥа Россия кыттыбат буолуон сөп.
Урукку өттүгэр допины тутта сылдьыбыт спотсменнары Олимпийскай оонньуулартан туораттылар. Кинилэр ортолоругар Виктор Лебедев баар буолуон сөп.
