«Ночные Волки» Россиятааҕы мотокулууп Саха сиринээҕи салаатын президенэ Виктор Копылов этэринэн, байыаннай анал дьаһал күһэллэн ылыллыбыт миэрэ буолар. Кини Донбасс олохтоохторун уонна Россия кыраныыссатын НАТО кырыктаах сыһыаныттан харыстыырга атын талыыны Россияҕа биэрбэтэхтэрин этэр, суруйар СИА.
«Анал байыаннай дьаһал сөптөөх суолу талбыппытын көрдөрдө. Билигин элбэх киһи Россия элбэх ахсааннаах норуотун кытта марионетка Киевка буолбакка, арҕаа империализмы утары турар кыахтааҕын өйдөөтө. Зеленскай нацистскай эрэһиимин өйүүр дойдулар Аҕа дойду иккис сэриитигэр Гитлеры өйөөбүттэрэ. Россия армиятын хааччахтаах контингена ЛДНР самооборонатын кытта сыл аҥарыттан ордук өстөөх күүһүн утары турарын таһынан, Украина илиҥҥи уобалаһын босхолуур миссиятын толорор. 7 мөлүйүөнтэн тахса киһи олорор улахан территориялар босхолоннулар. Фронт тыһыынчанан килэмиэтири тайаата.
Онон бу ыарахан, ити эрээри эппиэттээх кэмҥэ быстах байыаннай хомуур биллэрилиннэ. Босхоломмут территорияларга эйэни уонна бэрээдэги олохтооһуҥҥа.
Саха сирин хас биирдии олохтооҕо, Россия гражданина буоларынан, наада буоллаҕына дойдутун интэриэһин көмүскээһиҥҥэ турунуо дии саныыбын», — диэтэ Виктор Копылов.
Кини «Ночные Волки» кулууп элбэх чилиэнэ Россия араас муннугуттан анал байыаннай дьаһал биллэриллээтин кытта баҕа өттүлэринэн РФ уонна ЛНДР сэбилэниилээх күүстэригэр киирбиттэрин эттэ.
«Маны сэргэ биһиги социальнай тэрээһиннэргэ кыттабыт, быстах байыаннай хомуурга ыҥырыллыбыттары өйүүр сыаллаах. Гуманитарнай көмө оҥоробут малынан да, харчынан да. Маннык кэмҥэ бары түмсүөхтээхпит, бииргэ буолуохтаахпыт, оччоҕуна кыайыылаах буолуохпут», — диэтэ Виктор Копылов.
