Ситимҥэ Өймөкөөн улууһун Уус-Ньара бөһүөлэгин таһыгар көҥүлэ суох сиргэ селитра тоҕуллубутун туһунан видео тарҕанна. ЯСИА-ҕа экология министиэристибэтэ эппитинэн, дааннай оһуобай хонтуруолга баар.
«Өймөкөөннөөҕү иниспиэксийэ сотрудниктара билигин миэстэтигэр үлэлииллэр. Видео ааптарын кытта балаһыанньаны ырытыһыыга үлэ барар. Госавтоиниспиэксийэ тырааныспар хаһаайынын быһаарда», — диэн экология министиэристибэтин пресс-сулууспата суруйда.
Биэдэмистибэҕэ эппиттэринэн, комментарийга барыллаан 10-нан туонна тоҕуллубутун туһунан этии видеоҕа көстөр техника кыамтатыгар сөп түбэспэт.
Бэрэбиэркэ барар, айылҕа харыстабылыгар кэһиилэр баар буоллахтарына миэрэлэр ылыллыахтара.
This post was published on 10.12.2024 17:01 17:01