Вьетнам уонна Саха сирэ бырамыысыланнаска уонна туризмҥа бииргэ үлэлииргэ былааннаатылар. Ол туһунан Петербургтааҕы норуоттар ардыларынааҕы экономическай форум (ПМЭФ) кэмигэр Ил Дархан Айсен Николаев уонна Россияҕа Вьетнам боломуочуйалаах посола Данг Минь Кхой кэпсэттилэр.
Өрүттэр туризмҥа кэпсэттилэр. Туристическай сезон кэмигэр быһа рейстары оҥоруу туһунан этилиннэ. Өрөспүүбүлүкэ ураты турмаршруттары вьетнамнарга оҥорорго бэлэмин биллэрдэ. Вьетнам посола иһитиннэрбитинэн, бу эйгэ улахан кыахтаах.
Салгыы өрөспүүбүлүкэттэн таас чох тиэйиитигэр, күндү таастары уонна металлы, экологическай ыраас бородууксуйаны (отон) тиэрдии туһунан эттилэр. Вьетнамтан бырамыысыланнай бородууксуйа уонна ас-үөл импортаныан сөп.
Вьетнам спортивнай делегацията — «Азия оҕолоро» Оонньуу көхтөөх кыттаччыта. Айсен Николаев Дьокуускайга 2024 сылга ыытыллар VIII Оонньууларга кытта кинилэр спортсменнарын ыҥырда. Бэс ыйын 21-27 күннэригэр вьетнамнар Саха сиригэр мас-рестлинг IV Чемпионатыгар кытталлар.
This post was published on 17.06.2022 12:02 12:02