Дойду спорка миниистирэ Павел Колобков «Россия спордун Үтүөлээх маастара ааты иҥэрии» бирикээскэ илии баттаата. Манна биир дойдулаахпыт Сурдлимпиада көҥүл тустууга чөмпүйүөнэ Василий Стрекаловскай аата киирдэ. Кинини таһынан, Саха сириттэн биэс спортсмеҥҥа Россия спордун маастара ааты иҥэрдилэр.
Бирикээһи Павел Колобков муус устар 27 күнүгэр баттаата. Докумуоннар барыта этэҥҥэ туттарыллан, сотору кэминэн Василийга бэлиэни уонна дастабырыанньаны туттарыахтара.
Оттон Россия спордун маастардарынан Афанасий Попов (гиирэ спорда), Надежда Бубякина (оҕунан ытыы), Ньургуйаана Азарова, Руслан Колодезников уонна Архан Титов (дуобат) буоллулар. edersaas.ru
This post was published on 03.05.2018 14:18 14:18