Спорт үтүөлээх маастара Василий Егоров Арассыыйа боксаҕа чемпионатын финалын чиэппэрин кыайыылааҕынан таҕыста. Кини дойду чемпионун Ахтем Закировы кыайда, диэн СИА кэпсиир.
51 кг диэри ыйааһыннаахтарга дойду икки фаворита бу күннэргэ Читаҕа ыытыллар Арассыыйа чемпионатын финалын чиэппэригэр көрүстүлэр. Василий Егоров көрсүһүү былаһын тухары бэркэ кииристэ, судьуйалар бары кыайыыны киниэхэ биэрдилэр.
Санатан эттэххэ, Егоров уонна Закиров дойду чемпионатын чэрчитинэн иккис төгүлүн көрүстүлэр: иккиэнэрин финалга. Бастакы түгэҥҥэ саха боксёра бастаабыта, былырыын судьуйалар Закиров диэки буолбуттара. Маны сэргэ, бу ыйааһыҥҥа Арассыыйа чемпионатыгар саха киһитэ Николай Григорьев аан дойдутааҕы кылаастаах спорт маастарыгар Роберт Бадаляҥҥа хоттордо.
This post was published on 05.10.2022 15:03 15:03